jueves, marzo 28, 2024
InicioNoticiasRenovación con tecnoloxía LED de portos galegos

Renovación con tecnoloxía LED de portos galegos

A Xunta de Galicia, a través de Portos de Galicia vai investir este ano arredor de 3 millóns de euros na renovación do alumeado de preto dunha trintena de portos autonómicos.

As actuacións permitirán instalar novos equipamentos, luminarias e proxectores con tecnoloxía LED e software de telecontrol co obxectivo de mellorar a eficiencia enerxética e as condicións de iluminación das contornas portuarias reducindo o máximo posible a contaminación luminosa.


Beneficiarán a tres portos da provincia de Lugo, (Ribadeo, Burela e Viveiro-Celeiro), catorce da provincia da Coruña (Cariño, Cedeira, Sada, Malpica, Laxe, Fisterra, Cee, Muros, Portosín, Aguiño, Ribeira, A Pobra do Caramiñal, Cabo de Cruz e Rianxo) e a nove da zona sur: Vilanova de Arousa, O Xufre-A Illa de Arousa, Tragove (Cambados), O Grove, Portonovo, Combarro, Bueu, Cangas e Moaña.


A conselleira do Mar, Rosa Quintana, fixo este anuncio nunha visita a localidade de Muros.

A representante do Executivo galego salientou que se instalará tecnoloxía LED con equipamentos de altas prestacións deseñados especialmente para traballar en espazos portuarios pola súa resistencia en ambientes mariños e condicións meteorolóxicas adversas. Ademais, incrementarase a protección fronte a posibles sobretensións e implantarase unha capa tecnolóxica para o telecontrol da iluminación.

RELACIONADOS

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
- Advertisment -

MÁS NOTICIAS