O dinámico colectivo Mar de Fábula celebrou unha asemblea extraordinaria na sede da asociación en Camelle (Camariñas).
O asunto principal foi a dimisión por motivos de saúde do actual presidente Xosé Manuel Barros. Saíu elixida com o presidenta Virxinia Barros López.
Limpezas a visitas de escolares a Camelle
Aparte do estado de contas tamén se fixo un resumo das actividades do 2022 “onde as limpezas na ribeira e as visitas de centros de ensino ás instalacións de Mar de Fábula en Camelle foron os eixos do traballo”.
Segundo Mar de Fábula “de cara ao 2023, as limpezas de praias e coídos seguirán tendo carta de natureza na asociación xunto cun decidido pulo para aumentar as visitas de escolares a Camelle”. Tamén se centrarán noutros proxectos e na captación de novos socios.
