sábado, julio 13, 2024
InicioNoticias“A salga no fin do camiño. As fábricas de Fisterra”

“A salga no fin do camiño. As fábricas de Fisterra”

O salón de plenos do concello de Fisterra, acolleu a presentación do libro “A salga no fin do camiño. As fábricas de Fisterra”, editado por Andavira editora e da autoría de Santiago Llovo Taboada.

O acto contou coa presenza do director xeral de Pesca, Acuicultura e Innovación Tecnolóxica, Antonio Basanta, que louvou o traballo de Llovo para afondar nas orixes da actividade industrial marítimo-pesqueira dos distintos puntos do litoral de Galicia.

A traxectoria de Santiago Llovo

Basanta destacou a prolífica traxectoria de Santiago Llovo neste eido e o seu rigor documental, recorrendo en todas as súas obras a fontes de información moi diversas, algunhas delas incluso inéditas, que permanecían agochadas nos arquivos públicos.

Nesta liña, o director xeral animou ao autor a continuar con ese gran labor de recompilación pois concorda co compromiso da Xunta coa preservación do patrimonio marítimo-pesqueiro galego, que se materializa no Plan da Cultura Marítima de Galicia-Horizonte 2030.

Acompañaron a Basanta e a Llovo a alcaldesa Áurea Domínguez Sisto, e a editora Lucila Ventoso. Tamén asistiu a deputada estatal e exconselleira do Mar, Rosa Quintana e membros da corporación municipal de Fisterra.

«A salga no fin do camiño»

Como se indica no libro, “A salga no fin do camiño. As fábricas de Fisterra”, é unha viaxe a través do tempo na que se lle pon nome e apelidos a cada unha das pedras relacionadas coa etnografía industrial do salgado de peixe que houbo e permanecen espalladas pola beiramar deste concello.

RELACIONADOS

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
- Advertisment -

MÁS NOTICIAS