sábado, julio 13, 2024
InicioNoticiasPaula Mouzo defende incentivar o consumo dos produtos do mar

Paula Mouzo defende incentivar o consumo dos produtos do mar

O Parlamento de Galicia aprobou hoxe por unanimidade a proposición non de lei do Grupo Popular a través da que insta á Xunta a continuar impulsando iniciativas dirixidas a incentivar o consumo de produtos do mar, ben a través de campañas de promoción dirixidas a todos os segmentos da poboación ou con axudas á cadea mar-industria, nomeadamente un PERTE específico para facilitar a adaptación dos produtos ás demandas da cidadanía e ás novas necesidades do mercado.

Piden unha rectificación ao goberno de Pedro Sánchez

Por último, tamén se pide ao Goberno central que rectifique a súa posición actual e non exclúa aos peixes, mariscos e conservas da rebaixa do peixe do IVE que se aplica a outros alimentos básicos.


Foi a deputada camariñana Paula Mouzo Mas a encargada de defender a proposta dos populares, que lamentou o posicionamento do goberno de Pedro Sánchez: “Na análise das causas que poden estar detrás deste descenso no consumo de produtos do mar, un factor determinante foi a inacción e a falta de apoios a este sector por parte do Goberno que preside Pedro Sánchez, porque fixo oídos xordos ás demandas que desde Galicia e desde o propio sector pesqueiro reclamaban que non se excluíse aos peixes, mariscos e conservas da rebaixa do IVE”, sinalou.

Apoio da Xunta ao sector

En cambio a parlamentaria da Costa da Morte destacou que a Xunta “leva moitos anos facendo os deberes no eido da promoción e do apoio á cadea mar-industria”, ao tempo que lamentou que “o Goberno de Pedro Sánchez non está a realizar coa intensidade necesaria campañas de promoción do consumo de produtos do mar e de difusión dos seus beneficios para a saúde”.


“A liña de traballo a seguir debe ser a promoción polo Goberno galego con campañas de promoción, institucionais e do sector, dirixidas a diferentes segmentos de poboación, como Galicia sabe Amar ou Vai de Peixe, ou a celebración de foros para dar a coñecer os beneficios do consumo de peixe na saúde e para o conxunto da economía”, explicou Mouzo.

RELACIONADOS

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
- Advertisment -

MÁS NOTICIAS