Paula Mouzo Mas recolleu este xoves, na Fundación Once coruñesa, o seu “Premio As Boas Prácticas” outorgado pola asociación Proxecto Máscaras.
Esta percebeira, portavoz do PP de Camariñas, futbolista do equipo feminino do seu concello e deputada autonómica, respondeu con humildade e orgullo a este recoñecemento.
“Non sei si estarei a vosa altura pero prometo seguir traballando para merecer levar o voso pin no lado esquerdo, o carón do corazón” sinalou.
Nun emotivo discurso engadiu “Eu xa vedes como son, non oculto nada, son unha muller, son percebeira e son de Camariñas. A min coma a vos non me dá o peito para calar cando vexo inxustizas, non podo estar parada vendo problemas arredor, intento axudar, na lucha social e política na niña vida”.
Polifacética Paula Mouzo
Encargouse de presentala o anterior premiado, Rafael Lema, que se referiu á actividade e o compromiso de Mouzo. “Fai uns días estaba defendendo unha proposición no Parlamento para fomentar o consumo dos produtos do mar, hoxe está recollendo este premio e mañán vai adestrar co equipo de fútbol”.
E así foi resumindo a completa biografía vinculada ao marisqueo, a construción, a música, o deporte e a política.
