domingo, marzo 3, 2024
InicioNoticiasA deputada Paula Mouzo recolleu as inquedanzas da confraría de Camelle

A deputada Paula Mouzo recolleu as inquedanzas da confraría de Camelle

A deputada autonómica Paula Mouzo Mas mantivo un encontro con representantes da confraría de Camelle, no concello de Camariñas, para coñecer as demandas da entidade e tamén falar sobre os investimentos previstos pola Xunta de Galicia.

A xuntanza encádrase nos encontros que está a manter a deputada da Costa da Morte con diferentes entidades que comezaron polo sector pesqueiro con reunións en Corcubión e Camariñas.

Agradeceu a atención do patrón maior de Camelle, Xosé Xoán Bermúdez e dos membros da confraría.

«É fundamental escoitar as inquedanzas do sector do mar para poder trasladar propostas que vaian en consonancia coas necesidades reais das xentes do mar e do marisqueo» manifestou Mouzo.

Recentemente, Mouzo Mas trasladou a Portos de Galicia a súa preocupación polos problemas no alumeado na zona portuaria desta localidade, que xa foron solucionados.

A Xunta destina 350.000 euros para a dragaxe do porto de Camelle, cuxa licitación está prevista para o 2024. Neste 2023 levouse a cabo a renovación do firme do porto e a renovación dos amarres e defensas no peirao de Camelle por un importe total de case 200.000 euros.

RELACIONADOS

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
- Advertisment -

MÁS NOTICIAS