O deputado do BNG pola Costa da Morte, Óscar Insua, reuniuse s con mariscadores mergulladores de Fisterra para explicarlles o traballo desenvolvido no Parlamento galego en defensa do sector e das súas necesidades. No encontro participou tamén o responsábel local do BNG en Fisterra, Cholo Mouzo.
Insua detallou as xestións realizadas ante a Consellería do Mar para procurar solucións ás problemáticas expostas polos profesionais do mar. O deputado lamentou que desde a Xunta se negue a posibilidade de empregar a técnica de subministración de aire desde superficie para a extracción de ameixa na praia da Langosteira, unha demanda que o BNG xa trasladou á Cámara galega hai meses a petición da agrupación de mariscadores de Fisterra.
O parlamentario nacionalista sinalou que “seguiremos insistindo neste tema, porque se as novas técnicas existentes axudan a mellorar as condicións de traballo do sector, hai que adoptalas, como sucede en calquera outra profesión”.
